Аяллын онцлох газар: Вьетнамын Натранг
Халуун нар, цэнхэр далай, цагаан элсээрээ алдартай Натранг нь Вьетнамын хамгийн үзэсгэлэнтэй далайн эргийн хотуудын нэг бөгөөд амралт, адал явдал хосолсон төгс аяллын чиглэл юм. Далайн эрэг дагуух тансаг амралтын газрууд, амтат Вьетнам хоол, шинэ далайн бүтээгдэхүүн, усан спорт, шумбалт, арал тойрсон аяллууд гээд энд таныг мартагдашгүй дурсамж хүлээж байна.
Винперл арал дээр усан парк, амьтны хүрээлэнгээр зочлон хөгжилдөж, эртний Чам соёлын өв болсон Понагарын цамхгийг сонирхон, байгалийн халуун рашаантай Муд Бат усан санд алжаалаа тайлан, шумбалтын гайхамшгийг мэдрэхийг хүсвэл Хоё Трэй арал руу аялж болно. Дулаахан уур амьсгалтай, жилийн турш аялахад тохиромжтой Натранг танд гайхалтай аяллын туршлагыг мэдрүүлэх болно.
Хэрэв та Натранг руу аялахаар төлөвлөж байгаа бол бид танд хамгийн тохиромжтой аяллын багцыг санал болгоход бэлэн байна!
Гайхамшигт газар зүй: Швейцарын Зерматт
Зерматт нь Швейцарын Альпийн уулс дахь хамгийн алдартай амралтын газар бөгөөд Маттерхорн уулын орчим орших үзэсгэлэнт хот юм. Энэхүү газар нь өндөр уулсын дунд байрлах бөгөөд аялагчдыг уулын авиралт, мөсөн голын аялал зэргээрээ жуулчдын анхаарлыг татдаг. Тус хот нь цэнгэг агаараараа алдартай бөгөөд амралтаа өнгөрүүлэхэд төгс тохиромжтой газар юм.
Хийх зүйлс:
- Ууланд авирах, мөсөн гол дээр явган аялал хийх
- Уулсын дунд орших амралтын газарт амран уламжлалт швейцарь хоолыг амталж үзэх
Зерматт нь Щвейцарийн сэтгэл татам байгаль, уулс болон гайхалтай амралтаар аялж өнгөрүүлэх хамгийн тохиромжтой газар юм!
Английн Агуу хувьсгал
17-р зуунд Англид өрнөсөн Агуу хувьсгал нь хаант засаглалаас парламентын засаглалд шилжих чухал үйл явдал байв.
Иргэний дайн (1642–1651) – Хаан I Чарльз парламенттай зөрчилдөж, дайн эхэлсэн бөгөөд ялагдал хүлээж 1649 онд цаазлагдсанаар Англи бүгд найрамдах улс болов.
Алдаршуулсан хувьсгал (1688–1689) – II Жеймс огцорч, Вильям III, Мэри II нар хаан ширээнд сууснаар парламентын эрх мэдэл батжиж, үндсэн хуульт засаглал тогтжээ.
Үр дүн:
- Хааны эрх хязгаарлагдаж, парламент засаглал батжив.
- Эрх чөлөөний тунхаг (1689) батлагдаж, ардчиллын үндэс тавигдлаа.
Энэ хувьсгал нь орчин үеийн ардчиллын эхлэл болсон түүхэн үйл явдал байв.
Японы хамгийн алдартай ууланд өглөөний нарыг угтах нь
Фүжи уул бол Японы хамгийн алдартай, бэлгэ тэмдэг төдийгүй байгаль, соёл, адал явдал хосолсон онцгой аяллын газар юм. Энэхүү галт уул 3,776 метр өндөр бөгөөд Японы хамгийн өндөр уулд тооцогддог. Оргилд хүрч, өглөөний нарыг угтан харах нь таны аяллын хамгийн дурсамжтай мөч болох нь дамжиггүй.
Яагаад өглөөний нарыг угтах ёстой вэ?
- Тэнгэрт өнгө алаглан солонгорох үзэсгэлэнт агшин
- Дэлхийн дээрээс харах мэт гайхалтай мэдрэмж
- Японы эртний уламжлал, шүтлэгтэй холбогдох өвөрмөц туршлага
Хэрхэн авирах вэ?
- Йошида зам – хамгийн алдартай бөгөөд хамгийн тохиромжтой зам. Авиралт дунджаар 5-7 цаг үргэлжилнэ.
- Субашири, Готемба, Фүжинамия замууд – илүү эрчимтэй, адал явдалтай замыг сонирхогчдод тохиромжтой.
- Аялахад хамгийн тохиромжтой улирал: 7-р сарын эхнээс 9-р сарын дунд хүртэл. Өвлийн улиралд авирах нь аюултай бөгөөд зөвхөн туршлагатай уулчдад зөвшөөрдөг.
Авах зүйлс:
- Дулаан хувцас (оргилд цаг агаар хүйтэн, салхитай)
- Гар чийдэн (шөнийн авиралтад)
- Ус, эрчим хүч өгдөг хүнс
- Гутал, бээлий зэрэг авиралтад тохиромжтой хэрэгслүүд
Фүжи уулын оргилоос мандах нарыг тольдон, мартагдашгүй аяллын дурсамжаа бүтээцгээе!
Хэлний бэрхшээлгүй аялаарай!
Гадаад оронд аялахдаа хэлний мэдлэггүй байх нь хүндрэл учруулж болох ч, үүнийг хялбар давах олон арга бий.
Хэрэгтэй мэдээллийг олон хэлээр авах
- Аялж буй газрынхаа газрын зураг, нийтийн тээврийн чиглэл, онцгой байдлын дугаар зэрэг мэдээллийг төрөл бүрийн хэл дээр хадгалж, урьдчилан судлаарай.
- Жуулчдад зориулсан апп болон вэбсайтуудаас олон хэл дээрх мэдээллийг авч ашиглах боломжтой.
Ухаалаг технологийг ашиглаарай
- Орчуулгын апп (Google Translate, DeepL гэх мэт) ашиглан харилцаагаа хялбаршуул. Зарим апп офлайн орчуулга хийх боломжтой тул интернетгүй үед ч хэрэглэхэд тохиромжтой.
- Дуу хоолой орчуулах функц бүхий апп-уудыг ашиглан аман харилцаагаа сайжруулаарай.
Суурь хэлний мэдлэгтэй болох
- Аялалд гарахын өмнө тухайн улсын энгийн мэндчилгээ, асуулт, хариулт зэргийг цээжилвэл орон нутгийн хүмүүстэй ойлголцоход хялбар болно.
Зөв бэлтгэлтэй байвал аялал бүр илүү таатай!
