Дэлхийн улс орнуудын гадаад паспортны тухай сонирхолтой 10 баримт

Хамгийн хүчирхэг паспорт аль улсынх гэдгийг та мэдэх үү. Япон, Сингапурын паспорт 192 улсад визгүй нэвтрэх боломжтой гэдгээрээ хамгийн хүчирхэгт тооцогддог байна.
Цэнхэр өнгө нь гадаад паспортын хамгийн түгээмэл өнгө. Дэлхийн 83 улсын гадаад пасспорт цэнхэр өнгөтэй бол 67 улс улаан, 42 улс ногоон, 7 улс хар өнгийн пасспорттай.
Гадаад пасспорт 1914 оноос тухайн иргэний зурагтай хэвлэгдэх болсон ч зурагт ямар нэг шаардлага тавьдаггүй байжээ. Тиймээс хүмүүс гэр бүлийн гишүүдийн хамт, тэжээвэр амьтадтайгаа, бүр тамхи татаж, хөгжмийн зэмсэг тоглож байхдаа авахуулсан зургаараа гадаад пасспортаа “чимдэг” байжээ.

Гадаад пасспорт дээр виза дарж зөвшөөрөл авах шаардлага Дэлхийн 1-р дайны дараа бий болжээ.
АНУ-ын гадаад паспорт нь 60 өөр материалаар хэвлэгдсэн, 30 хамгаалалтын функцтэй бөгөөд хуурамчаар үйлдэх бараг боломжгүйд тооцогддог юм байна.
Дэлхийн бүх иргэн гадаадад аялахдаа гадаад пасспорт биедээ авч явах шаардлагатай байдаг. Тэгвэл гадаадад зорчихдоо паспорт авч явах шаардлагагүй дэлхийн цорын ганц хүн байдаг нь Английн хаан Чарльз III гэнэ.

Хэрэв та Финляндын паспортын хуудсыг урагш эргүүлбэл хуудасны доод талд байгаа зургууд нь алхаж буй хандгайн хөдөлгөөнт зургийг үүсгэхийг олж харах болно.
Норвегийн паспортыг хэт ягаан туяаны гэрэлд гэрэлтүүлбэл хуудсан дээр туйлын туяаг та олж харж чадна.

Пакистаны гадаад паспорт дээр "Энэ паспорт нь Израилаас бусад дэлхийн бүх улсад хүчинтэй" гэсэн бичээстэй байдаг ажээ.
Их Британид морьтойгоо нэвтрэх хэрэг гарвал мориндоо гадаад паспорт бэлдээрэй. Учир нь морины үүлдэр, өнгө, төрөл зүйлийг тодорхойлж, вакцин хийлгэсэн эсэх, бүртгэлтэй эзэмшигчийн нэрийг жагсаасан пасспортыг хил дээр шаарддаг байна.